JolasApp play online

JolasApp Lehen Hezkuntzako heziketa fisikoko saioak prestatzerako orduan baliabide erabilgarri bat izateko beharretik sortzen da. Izan ere, frogatuta dago heziketa fisikoko irakasleak IKTak erabiltzen dituztela batez ere beren saioak prestatzeko.

Horren ondorio bezala aplikazio hau sortzen da eta honen funtzio nagusia heziketa fisikoko irakasleei laguntzea da. Eduki bakoitza lantzeko jarduera aproposak planteatuz eta hauen erabilpena errazteko zikloka banatuta ageri dira. Betiere, hezkuntza curriculuma hartu da oinarri gisa eta guztia horren arabera planteatuta dago.

Aplikazio honek 200 jolas baino gehiago ditu, guztiak idatzizko azalpenarekin eta irudi batekin hobeto ulertzeko. Hauek elkarrekintza motorraren arabera klasifikatuta daude: psikomotorrak, kooperaziozkoak, oposiziozkoak eta kooperazio-oposiziozkoak. Horretaz aparte, osasun arloa lantzeko dinamikak eta infografia desberdinak ere sortu dira.

Jolas hauen artean lateralitatea, oreka, gorputz eskema, oinarrizko trebetasun motorrak eta bestelako edukiak garatzeko helburua dutenak daude, guztiak klasifikaturik.